2010年1月22日星期五

[香港]「森美怒罵助手……」網民:「一定是廣告來的!」

自從 YouTube 成為網民最常瀏覽的網上影片網站,廣告公司彷彿就發現一個新的宣傳渠道:先將一段頗具話題性或爭議性的預告影片(teaser)上傳至 YouTube,隔數天後再上傳「解畫影片」,再為某產品宣傳。雖然這種宣傳方法亦有不少成功例子,但隨著網民愈來愈醒目,廣告公司決定利用 YouTube 放預告影片時,就更要確保影片本身真的有說服力。

一、兩個星期前,小弟已經留意到星展銀行推出了一系列宣傳「八達通提款卡」的平面廣告,廣告中的男主角雖然沒有註明他的名字,大家一看都知道他是電台節目主持森美。最近少看電視的筆者,正好奇星展銀行既然請了森美代言,怎麼好像沒有電視廣告呢?結果筆者到 YouTube 搜尋一下,發現了這一段影片!



大家再看看這一段影片的網民留言,便會知道這一段影片根本不能說服網民那是真事,因為影片所帶出來的效果太著迹了,最致命的是森美當街罵助手的表情太誇張!(大家看過 J2 節目「打出十人巷」當中森美教訓豆豆的一幕,便知道森美真正罵人是什麼樣子的。)

上述影片「出街」一星期後,「解畫影片」出現了!



大家覺得這個「足本」影片如何?再看看這段影片的留言,小弟覺得這個宣傳唯一成功的地方是:網民到最後才省起那是銀行廣告!(怎麼會呢?明明平面廣告好像一、兩星期前就已經出現了!)

3 則留言:

altman 說...

我估件事係咁,
本身佢地想玩viral ad,
而銀行又想搵森美做代言人,
所以一於就將兩樣野夾埋一齊做,
再諗下d觀眾睇左會覺得好"爆"既事;
咁諗諗下,"森美怒罵助手"夠晒爆啦,
諗住條片放到上youtube之後,
d人睇左一定覺得件事好"爆",
就大把人會forward出去,
多人睇, 多人講, 達viral效果...

睇返youtube果條片,
放左都兩個星期有多,
而家先得二萬九千瀏覽量,
效果...可想而知啦...!

佢地可能見d瀏覽量唔多理想,
因為擔心唔夠mass, 又冇人睇到,
就補補飛, 係上星期早少少,
放左"森美怒罵助手"既標題同相上yahoo
首頁右邊既廣告位, click下佢就播呢條片,
而個平面廣告應該都係差唔多時間出...

stripeboy 說...

altman: 第一條片放上YouTube後,某個人氣討論區的確有人提,但回應既網民唔夠廿個:
http://forum7.hkgolden.com/view.aspx?message=2067930

我玩開Twitter,都唔多覺有人tweet。

而家諗返,如果用「森美街邊偷食」可能仲爆!
不過唔該導演叫森美唔好演得咁浮誇先!

altman 說...

仲要果d回應都幾hea下...

少人睇>冇人信>冇人講>冇人推>冇人回應
佢幾個人d戲真係幾假, 所以冇人信lor

佢地搵埋豆豆一齊做,
效果可能會再好d...